Thursday, February 28, 2013

ചിന്തകള്‍ (കവിത)



പുലരിയില്‍ കുളിര്‍ തെന്നല്‍
 അലസമായ് അണഞ്ഞപ്പോള്‍
മനസ്സിലും വിരിയുന്നു ഒരു നിറമുള്ള കവിത
സ്വപ്‌നങ്ങള്‍ മാത്രം വിരിയുമെന്‍ മനതാരില്‍
മോഹങ്ങള്‍ ഒരു കുന്നായ് വളര്‍ന്നു .
...
ബാല്യകാലത്തിന്‍റെ കൊഞ്ചുന്ന ഓര്‍മ്മകള്‍
യൌവ്വനം തേടി അകന്ന നേരം
നെഞ്ചിന്‍റെ ഉള്ളില്‍ വിരിഞ്ഞൊരാ പൂവിനെ
പതിയെ തലോടി ഉറക്കിയപ്പോള്‍ .

ഇതളിന്‍റെ കളറുകള്‍ മാറി മറിഞ്ഞതാ
വാര്‍ദ്യക്യരൂപത്തില്‍ എത്തിനോക്കി
ഓരോരോ പിണക്കങ്ങള്‍ ആരോടെന്നില്ലാതെ
മൂകമായ് എന്നുള്ളിലായ് നിറഞ്ഞു .

മുടികളില്‍ വെള്ളി വരനിറഞ്ഞു
മേനിയില്‍ ചുളിവുകള്‍ ആയ് പൊഴിഞ്ഞു
കണ്‍കളില്‍ അറിയാതെ നീര്‍പൊടിഞ്ഞു
എന്‍ മനം ആരുമറിയാതെ കരഞ്ഞു .,

നഷ്ട ദിനത്തില്‍ വെറുതെ അലഞ്ഞു
ആരോടെന്നില്ലാതെ പിറുപിറുത്തു.,
കുളിരുകള്‍ മനസ്സിനെയും പൊതിഞ്ഞു
സ്വപ്നം വെറും സ്വപ്‌നങ്ങള്‍ മാത്രമായി .,.,.,


ആസിഫ് വയനാട്

Monday, February 25, 2013

മിഴികള്‍


     

 

സെന്‍റെര്‍ ഗ്ലാസ്സിലൂടെ നിന്‍റെ മിഴികളില്‍

എന്‍റെ മിഴികള്‍ കൊരുത്തപ്പോള്‍

അറിയാതെ നിന്‍ നയനം പാദങ്ങളെ  

തഴുകുന്നതും മൂടുപടമിട്ട നിന്‍റെ ചൊടികളില്‍

പുഞ്ചിരി വിരിയുന്നതും.

മുന്നില്‍ വിലങ്ങിട്ട സിഗ്നലില്‍ സകടം

മൂകമായ് നില്‍ക്കവെ

ഒരു വേളകൂടി എന്‍റെ നയനങ്ങള്‍

നിന്നെ അറിയാതെ ഉഴിഞ്ഞുവോ ?

ചലിക്കുന്ന വണ്ടിയില്‍ ചിലമ്പുന്ന

നിന്‍ തേന്‍ മൊഴികള്‍ എന്‍റെ കാതുകളെ

പുളകമണിയിക്കുന്നു .

കുളിരുള്ള  പുലരിയില്‍ സുഖമുള്ള

പ്രണയമായ് അത് മാറുന്നതും.

അത്തര് മണക്കുന്ന നിന്‍റെ മുടിയിഴകളെ

എന്‍റെ അധരങ്ങള്‍ തഴുകുന്നതും

ഒരു സുഖമായ് ഞാന്‍ അറിയുന്നു 

നിന്‍റെ മിഴികളില്‍ മിഴിചെര്‍ത്തു കവിതകള്‍

ലോലമായ്‌ താഴുകുന്ന നിമിഷങ്ങളും

മറക്കുവാനാവില്ല പ്രിയ സഖി,.,.,

 

 

ആസിഫ് വയനാട്

Saturday, February 23, 2013

കേരളം

  
ഹരിത ഭംഗിയില്‍ മുങ്ങി നില്ക്കുമീ

 എന്‍റെ സുന്ദര കേരളം
 കേര വൃക്ഷങ്ങള്‍ നിര നിരയായി
പുഞ്ചിരി തൂകുമെന്‍ കേരളം.


കൊച്ചരുവികള്‍ കളകളം പാടി
ചേര്‍ന്നൊഴുകുമെന്‍ കേരളം
മലനിരകള്‍ നിരകള്‍ നിറയെ കോടമഞ്ഞ്‌ മൂടും
ഹരിത നിരകളാലെ വരി വരിയായി നില്‍ക്കും
ഹരിത പുളകിതയാം എന്‍റെ കേരളം.
 
വഞ്ചിപ്പാട്ട് നിറയും ഹരിതഭംഗിയോഴുകും
കളകളമായ് തുഴയും കൊതുമ്പു വള്ളവും
നിറയെ തുഴകളെറിയും കായലോരവും
വന്‍ മരങ്ങളും പുല്‍ മലകളും തിങ്ങി വാഴുമീ കേരളം .
തണുപ്പുള്ള രാത്രിയില്‍ നീയെന്‍റെ
മനസ്സില്‍ ഒരുപാരിജാതമായ് വിരിയുന്ന നേരവും
ദൂരെ നിന്നു ഞാന്‍ നിറമിഴികളാല്‍
നോക്കികാണുമെന്‍ കേരളം .
അമ്പലങ്ങളും അരയാല്‍ത്തറകളും
ഭംഗിയെകി നില്‍ക്കുമെന്‍റെ കൊച്ചുകേരളം
മകര സന്ധ്യയില്‍ കുളിരണിഞ്ഞോരെന്‍
ചിരികള്‍ തൂകുമെന്‍ കേരളം.
പുതു മഴ നനയുന്ന നേരമെന്‍ മനസ്സിലെ
പുതു മണ്ണിന്‍ ഗന്ദമായി നീ പടര്‍ന്നീടുമ്പോള്‍
തുമ്പയും തുളസിയും മുടികളില്‍ ചാര്ത്തിയ സുന്ദരിയായ കേരളം.
അകലെയെന്‍ മുറ്റത്ത് വിരിയാന്‍ കൊതിക്കുന്ന
രോസാദളങ്ങളില്‍ എന്‍ മിഴികള്‍ അണയവെ
മൂടല്‍ മഞ്ഞിലായ് കുളിരണിഞ്ഞോരീ
വശ്യ സുന്ദരി കേരളം.
നെല്‍ വയലുകള്‍ അന്യമായ്ത്തീര്ന്ന ഫ്ലാറ്റ് നിറയുമെന്‍ കേരളം
ഹരിതഭംഗിയൂറും എന്‍റെ കൊച്ചു നാടിന്‍
നിനവുകള്‍ എന്നുള്ളില്‍
കോട മഞ്ഞിനാല്‍ മുഖപടം ചാര്ത്തും എന്‍റെ സുന്ദരിയായ കേരളം ,.,ഓര്‍മ്മയില്‍ വീണ്ടും കണ്കള്‍ നിറയുമീ
എന്‍റെ പ്രണയിനീ കേരളം .,.,.,
ആസിഫ് വയനാട്