വേര്പാട്
സ്വപ്നങ്ങൾ ഒക്കെയും ബാക്കിയാക്കി
എങ്ങോ മറഞ്ഞു നീ യവനികക്കുള്ളിലായി
പോറ്റിവളര്ത്തിയ മക്കളെ കാണാതെ
സ്നേഹിതയാകുമാ പ്രിയയോടു ചൊല്ലാതെ
മോഹങ്ങള് പലതുമേ പൂർത്തീകരിക്കാതെ
ആരോടും പറയാതെ യാത്രയായി .
വിട്ടു പിരിയുന്ന ദുനിയാവിൻ മോഹങ്ങൾ
സ്നേഹ മന്ത്രങ്ങളും ബാക്കിയാക്കി
ശീതീകരിച്ചോരാ മോര്ച്ചറിക്കുള്ളിൽ നീ
മൂകം ശയിപ്പൂ ഏകനായി .
ഒരു വേള നിന് മുഖം കാണുവാനായി ഞാൻ
ആദ്യമായ് നിന്നരുകിൽ വന്ന നേരം
വാതിലിൽ ഗ്ഹൂർഘയോ മുറുമുറുത്തു
ശാന്തമായുറങ്ങുന്ന നീ മുഖം കണ്ടു ഞാൻ
അറിയാതെ ഒരു വേള കണ്കൾ നിറച്ചുപോയ്.
മോർച്ചറി വാതിലിൽ സ്നേഹിതർ പരസ്പരം
മരണ വിശേഷങ്ങൾ പങ്കുവച്ചു
യാതൊന്നു മറിയാതെ മോർച്ചറിക്കുള്ളിൽ നീ
ശാന്തം മയങ്ങി ഏകനായി .
അവസാന യാത്രാ മംഗളമാവുന്ന നിസ്ക്കാരത്തിൽ
ഞാനും പങ്കെടുത്തു
ഇതുപോലെയാരുമേ യാത്രയാകെല്ലയെന്നു ഞാൻ
ഹൃദയം തുറന്നു ദുവായിരന്നു
ഇറ്റിട്ടു വീണൊരാ കണ്ണുനീർ തുള്ളികൾ
കൈവിരൽ തുമ്പിനാൽ ശൂന്യമാക്കി .,.,.,.,
ആസിഫ് വയനാട്
കൊള്ളാം കേട്ടോ
ReplyDelete“എവനിക” തിരുത്തണേ..!!
താങ്ക്സ് അജിത്തെട്ടാ.,.,.,തിരുത്തി
ReplyDelete